Neste proxecto, falamos do vandalismo en Redondela, e de como afecta, para así poder concienciar a xente da importancia e o impacto do vandalismo na xente e nos medios de Redondela.

​

O noso proxecto consiste nunha recollida de lixo, para despois poder reciclalo correctamente. Fixémolo na praia, cos participantes de 3º da ESO do IES Pedro Floriani. O noso obxectivo foi intentar concienciar á xente do grao de contaminación que estamos alcanzando.

Tratamos de concienciar á xente dos acontecementos que danan ao medioambiente, desta maneira, levaremos a cabo formas de axudar ao noso planeta para así, ter unha mellor forma de vida.

Con este proxecto intentamos informamos e axudar coa primeira causa de morte máis común na xuventude española. Cando comezamos este proxecto non paraban de anunciar nas noticias a alta taxa de suicidios , debido ao perigoso que é falar disto con persoas novas o abordamos de dúas formas distintas: unha charla e unha conta en Instagram.

O noso proxecto, como o seu nome ben indica, trata sobre intentar ofrecer mediante un blog as ferramentas para que se ti ou algunha persoa cercana a ti sofre acoso saiba que tipo de acoso é e a quen debe recorrer.

Creamos un portal web no cal se explican certos contidos relativos á arte como ben son movementos, obras, artistas….
A web foi creada con Google Sites e a información está separada en 4 bloques para facilitar o súa búsqueda.

​

Co noso proxecto, mediante charlas, exposicións, folletos e unha conta de Instagram, intentamos fomentar a importancia de facer deporte así como intentar concienciar á xente do impacto que supón non facelo para a nosa saúde.

​

O noso proxecto consistiu en promover hábitos saudables e como ter unha boa alimentación. Fixemos varias exposicións aos nenos de 1º ESO pois detectamos un problema na súa alimentación nos recreos. Esta consistía nun guión sobre o que debemos comer máis a miúdo e os tipos de dietas. Para rematar a nosa exposición fixemos un Kahoot para ver se realmente entenderon todo o que  explicamos.

Fixemos unha web recopilando información das enfermidades de transmisión sexual e tamén sobre os métodos anticonceptivos de calquera tipo. Tamén creamos unha conta en Instagram e Twitter para responder dúbidas ou problemas dos nosos visitantes da web.

Queremos concienciar á comunidade educativa da importancia dunha correcta reciclaxe dos residuos así de como reducir o consumo de plástico usando envases reutilizables. Para iso fixemos unha recollida de lixo no río Pexegueiro, e buscamos información sobre microplásticos. Tamén localizamos os puntos limpos de Redondela.

Queremos orientar o alumnado do noso centro cara ás posibilidades académicas ás que poden optar despois da ESO. Esta é a nosa páxina web.

O noso proxecto busca a concienciación sobre o abandono de animais domésticos, mediante charlas e noticias nas nosas redes sociais. Para iso contactamos cunha protectora de Vigo, que se ofreceu a darlles unha charla sobre este tema aos alumnos de 1º e 2º da ESO.

Queremos facilitar o labor de reciclaxe para a xente que padece problemas de vista, tanto cegueira como problemas da visión da cor, instalando etiquetas de aluminio nos contenedores da zona urbana de Redondela, co nome dos desfeitos correspondentes e a súa tradución a braille. Visita a nosa páxina web.

Queremos coñecer o nivel de ludopatía na xuventude da nosa contorna e intentar reducir esa adicción a través de información e vías de axuda. Páxina web.

Temos pensado facer unha performance na que amosemos dunha maneira hiperbólica a inxustiza de ter que que estudar nun centro que aínda ten unha aula de convivencia e as súas consecuencias co alumnado.
Faremos uns carteis para amosar ás persoas de Redondela os noso obxectivos coma grupo. Web

O noso proxecto consiste en poñer paneis con textos en braille por toda a vila para que así a xente invidente poida saber información cultural ou de interese da vila de Redondela. Esta información é sobre lendas e puntos de interese os cales marcaron un antes e un despois na nosa vila. 

Fixemos unha campaña de concienciación sobre a situación das Persoas en Risco de Exclusión Social. Desenvolvemos unha web e varios carteis. Conseguimos colaborar con Cáritas, mediante Servizos sociais, para organizar un banco de alimentos, no que aproximadamente 100 familias participaron. Esta é páxina web do noso proxecto.

A saúde mental dos adolescentes vese moi comprometida polo estrés, a presión dos exames. Precisamos desenvolver ferramentas que nos axuden a xestionar mellor a ansiedade.

Queremos contribuír á mellora medioambiental mediante unha plantación de árbores nos montes da bisbarra redondelá. Coñece o proxecto nesta páxina web.